KSRTC Bus ಸೊರಬ ತಾಲೂಕಿನ ಕೋಡಂಬಿ ಗ್ರಾಮದಲ್ಲಿ ರಾಜ್ಯ ರಸ್ತೆ ಸಾರಿಗೆ ಇಲಾಖೆಯ ಬಸ್ ಸಂಚಾರಕ್ಕೆ ಬುಧವಾರ ಚಾಲನೆ ನೀಡಲಾಯಿತು.
ತಾಲೂಕು ಪಂಚಾಯಿತಿ ಮಾಜಿ ಅಧ್ಯಕ್ಷ ಎಚ್. ಗಣಪತಿ ಹುಲ್ತಿಕೊಪ್ಪ ಮಾತನಾಡಿ, ಗ್ರಾಮೀಣ ಭಾಗದ ಜನರ ಬಹುಕಾಲದ ಕನಸಾಗಿದ್ದ ಬಸ್ಸಿನ ವ್ಯವಸ್ಥೆ ಕಲ್ಪಿಸಿರುವುದು ಗ್ರಾಮಸ್ಥರಿಗೆ ಹರ್ಷ ತಂದಿದೆ. ಜಿಲ್ಲಾ ಉಸ್ತುವಾರಿ ಹಾಗೂ ಶಿಕ್ಷಣ ಸಚಿವರಾದ ಎಸ್. ಮಧು ಬಂಗಾರಪ್ಪ ಅವರ ಮುತುವರ್ಜಿಯಿಂದಾಗಿ ಬಸ್ ವ್ಯವಸ್ಥೆ ಆರಂಭಗೊಂಡಿದ್ದು, ಇದರಿಂದ ವಿದ್ಯಾರ್ಥಿಗಳು ಹಾಗೂ ಗ್ರಾಮಸ್ಥರಿಗೆ ಅನುಕೂಲವಾಗಲಿದೆ ಎಂದರು.
KSRTC Bus ಸೊರಬದಿಂದ ಬೆಳಗ್ಗೆ ೭ಕ್ಕೆ ಹೊರಡುವ ಬಸ್ ಚಂದ್ರಗುತ್ತಿ, ಚನ್ನಪಟ್ಟಣ, ಮಣ್ಣತ್ತಿ, ನರ್ಚಿ, ಕೋಡಂಬಿ, ಕಾರಗೋಡು ಮಾರ್ಗದಿಂದ ೧೬ನೇ ಮೈಲುಗಲ್ಲಿಗೆ ತಲುಪಲಿದೆ.
ಈ ಸಂರ್ಭದಲ್ಲಿ ಮುಖಂಡರಾದ ಆರ್. ಶ್ರೀಧರ್ ಹುಲ್ತಿಕೊಪ್ಪ, ಸುನಿಲ್ ಗೌಡ, ರವಿಕುಮಾರ್ ಕೋಡಂಬಿ, ಉಮಾಪತಿ ತೌಡತ್ತಿ, ಎಸ್.ಟಿ. ನಾಯಕ್ ಹುಲ್ತಿಕೊಪ್ಪ, ಶಶಿ ನರ್ಚಿ, ಚಂದ್ರಹಾಸ ನರ್ಚಿ, ಉಮೇಶ ಕೋಡಂಬಿ ಸೇರಿದಂತೆ ಊರ ಗ್ರಾಮಸ್ಥರು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.ks
