ಭಾರತೀಯ ಕ್ರಿಕೆಟ್ ಕ್ಷೇತ್ರದಲ್ಲಿ ಐಪಿಎಲ್ ಪಂದ್ಯಾವಳಿಯು ಕ್ರಿಕೆಟ್ ಪ್ರಿಯರನ್ನು ಸದಾ ಮನ ತಣಿಸುತ್ತಿದೆ. ಕ್ರಿಕೆಟ್ ಆಟಗಾರರ ಪ್ರತಿಭೆಯನ್ನು ಗುರುತಿಸುವ ಕೆಲಸ ಐಪಿಎಲ್ ನಲ್ಲಿ ಸಾರ್ಥಕವಾಗಿ ನಡೆಯುತ್ತಿದೆ. ಇದರಲ್ಲಿ ಅತ್ಯಂತ ಸ್ವಾರಸ್ಯ ಮತ್ತು ಕುತೂಹಲದ ವಿಷಯ ಎಂದರೆ ಆಟಗಾರರ ಹರಾಜು ಪ್ರಕ್ರಿಯೆ.
ಈ ಹರಾಜಿನಲ್ಲಿ ಆಯ್ಕೆಯಾದ ಆಟಗಾರರು ಇಂತಿಷ್ಟು ವರ್ಷ ಹರಾಜಿನಲ್ಲಿ ಪಡೆದ ಕಂಪನಿ ಅಥವಾ ತಂಡವನ್ನು ಪ್ರತಿನಿಧಿಸಿ ಆಡುವುದು ಒಂದು ಶರತ್ತು.
ಈ ಹರಾಜು ಪ್ರಕ್ರಿಯೆಯಲ್ಲಿ ಖ್ಯಾತ ಉದ್ಯಮಿಗಳು, ಶ್ರೀಮಂತರು, ಅಷ್ಟೇ ಅಲ್ಲದೇ ಸಿನಿಮಾ ಕ್ಷೇತ್ರದ ಸೆಲೆಬ್ರಿಟಿಗಳು ಸಹ ತಂಡಕ್ಕೆ ಆಟಗಾರರನ್ನು ಖರೀದಿಸುವ ಪರಿಪಾಠ ನಡೆದು ಬಂದಿದೆ.
ಸಿನಿಮಾ ತಾರೆಯರಾದ ಪ್ರೀತಿ ಜಿಂಟಾ, ಶಿಲ್ಪಾ ಶೆಟ್ಟಿ, ಶಾರುಖ್ ಖಾನ್ ಅವರ ಸಾಲಿಗೆ ಈಗ ರಣವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೋಣೆ ಸೇರಿದ್ದಾರೆ ಎಂದು ಮಾಧ್ಯಮಗಳು ಸುಳಿವು ನೀಡಿವೆ. ಕ್ರಿಕೇಟ್ ಜನಪ್ರಿಯ ಕ್ರೀಡೆಯಾಗಿ ಹಲವರಲ್ಲಿ ಉತ್ಸಾಹ ತುಂಬುತ್ತದೆ. ಕೆಲವರಲ್ಲಿ ಅಷ್ಟೇ ವ್ಯಸನವನ್ನೂ ಉಂಟು ಮಾಡುತ್ತದೆ.
ಹಣ, ಕೀರ್ತಿ ಹಾಗೂ ಪ್ರತಿಷ್ಠೆಗಾಗಿ ನಡೆಸುವ ಕ್ರೀಡೆಯಾಗಿ ಐಪಿಎಲ್ ಪಂದ್ಯಾವಳಿ ಮಾರ್ಪಟ್ಟಿದೆ.
